Ni umusore utabashije kumenyekana umwirondoro we, yateshejwe ageze hagati mu gikorwa cyo kwiyahura, aho yari yanywereye mu kabari gaherereye mu karere ka rubavu, umurenge wa Gisenyi, akagari ka Mbugangari, ababonye ibi bavuga ko yabitewe no kuba yaranywereye muri ako kabari akahararana n’umukobwa.

Umukozi w’aka kabari yavuze ko uwo musore yaje muri ako kabari, avuga ko aje guhura n’umukobwa bakundana wari uturutse I Kigali, akaba ari nako byagenze kuko bararanye muri ako kabari, kugeza mu gitondo, ariko bukeye bamusaba kwishyura ibyo bakoresheje bihwanye n’amafranga ari hejuru y’ibihumbi 47, abasubiza ko afite amadorari gusa, byaje kurangira yinyabije mu cyumba atangira kwitemagura akoresheje urwembe.

Ati” yahenze umukobwa asohotse ahita yifungirana mu cyumba, bamubwiye ko yakwishyura amafranga bakoresheje, asaba Cherie we ko ajya gushaka umuntu wo kuvunjisha amadorari, Cherie we wari hanze agakomeza kumuhamagara ngo aze yishyure kuko yari yikingiranye, umusore agakomeza kuvuga ngo araje, nibwo twahengereje mu cyumba cye tubona amaraso menshi arimo gutemba hasi”.

Uyu mukozi yakomeje avuga ko umukobwa amaze guhengereza akabona umusore yikebye n’urwembe ku kaboko yahise ahamagara abandi baza kureba, kubera ko nta rufunguzo bari bafite bakubita urugi rurafunguka mu kugeramo basanga icyumba cyuzuye amaraso menshi ari gutemba hose.

Hategekimana Jean Marie Vianney, ni nyiri akabari uyu musore yageragerejemo kwiyahura, yavuze ko ariwe wahamagaye polisi ari nabwo ambulance yazaga gutwara uyu musore, gusa bakamusaka bagasanga nta cyangombwa na kimwe afite, ahubwo afite udupapuro ndetse n’urwembe mu mufuka.

Ubwo umunyamakuru yashakaga kubaza ubuyobozi niba uyu musore yaba akiri muzima, yahamagaye umunyamabanga nshingwa bikorwa w’umurenge wa Gisenyi Tuyishime Jean Bosco ariko ntiyafata telephone, gusa hari amakuru yamenyekanye ko umusore yageze kwa muganga agatsimbuka.

Hari haciye icyumweru kimwe gusa mu karere ka Rubavu hagaragaye umugabo wapfiriye mu macumbi y’akabari, ibyo abantu benshi bakomeje kunenga ubugenzuzi bw’aya macumbi. Source: btn tv.

Junior Giti yerekanye amashusho ya nyuma ya Yanga mbere yo kwitaba Imana| Rocky yamubwiye amagambo akomeye.