Umutoza w’ikipe y’igihugu Amavubi yatangaje ko amaze igihe kinini avugutira umuti gutsinda ibitego kw’iyi kipe avuga ko ashobora no kuzatsinda Benin ibitego bitatu. Carlos Alos ferrer ibi yabitangarije abanyamakuru kuwa 19 werurwe ubwo yamaraga gutsindwa na Ethiopia igitego kimwe k’ubusa.

Yakomeje avuga ko bababaye kuko ntago watsindwa ngo wishime, ariko ibyo bashakaga babigezeho kuko yashakaga guha buri mukinnyi umwanya. Yatangaje ko Ethiopia yateguye uriya mukino yatsinzwemo ishaka gutsinda, kuko mu gihe we yari yahinduye abakinnyi inshuro 10, Ethiopia yo yakoze impinduka ku munota wa 65.

Carlos yatangaje ko bikiri ikibazo gutsinda ku ikipe ye, ariko akomeje kwigisha abakinnyi be kurema uburyo butandukabye bwo gushaka inzira zo gushakamo ibitego imbere y’izamu, anaheraho avuga ko kubw’iyo mpamvu bashobora gutsinda Benin ibitego bitatu.