Intumwa yihariye y’Umunyamabanga Mukuru w’Umuryango w’Abibumbye muri RDC, Bruno Lemarquis yamaganye ibyo gutera ibisasu buhumyi ku baturage b’abasivili bikomeje kubera mu turere dutandukanye two muri Kivu ya Ruguru by’umwihariko ahitwa Mweso.

Uyu munyamabanga yavuze ko uyu muryango mpuzamahanga ububabajwe cyane n’ibitero biheruka guhitana abasivile barimo abagore n’abana by’umwihariko mu gace ka Mweso. Yavuze ko ku wa 25 Mutarama 2024 muri aka gace harashwe ibiasasu, bihitana abantu 19 abandi 20 barakomereka.

Uyu muryango wasabye impande ziri mu mirwano arizo M23 na FARDC nabo bahanganye barimo imitwe itandukanye na SADC kurengera ubuzima bw’abasivile. No kurengera abantu barenga ibihumbi 8000 bagiye gushaka ubuhungiro hafi y’ibitaro bya Mweso nyuma y’ibyo bitero bivugwa ko byakozwe n’indege zitagira abapilote ndetse n’imbunda ziremereye cyane.

UN yatangaje ko kugeza ubu muri ako gace karimo ibi bitaro ngo hari abantu 251.000 bakeneye ubufasha bityo igasaba izi mpande zihanganye kutaharwanira ngo zibahitane. Ibi bitero byagabwe mu turere twose twigaruriwe na M23 aritwo Mweso, Mushaki, Karuba n’ahandi.