Perezida wa M23, Bertrand Bisiimwa na Corneille Nangaa wabaye Perezida wa Komisiyo y’amatora muri Congo, bakaba bakoze ikiganiro n’abanyamakuru (Press Conference), i Nairob mu gihugu cya Kenya. Batangaza ko bakoze ihuriro ryiswe irya politiki ariko rikazakoresha ingufu za gisirikare mu gukuraho Perezida Tshisekedi bakaba baryise Alliance Fleuve Congo.

Corneille Nangaa yavuze ko iby’amatora bitabareba kuko bazi ko Tshisekedi ashaka kuyakoresha agamije kuguma ku butegetsi, bavuze ko bamuhaye igihe ntarengwa, tariki ya 20 Ukuboza 2023 akaba atakiri Perezida wa kiriya gihugu.

Uyu mugabo uba mu buhungiro ubwo yari mu kiganiro n’itangazamakuru yavuze ko mu byo bashinja Perezida Tshisekedi, harimo kuba ari nyirabayazana w’ibibazo byose igihugu gifite, haba kurema imitwe y’inyeshyamba, kuko ngo ibi abikora iyo agirana amasezerano na yo ntayubahirize.

Perezida wa Congo Tshisekedi bamushinja ubwicanyi, kurema ubutegetsi bugendera ku mavakubiri, gucuruza intambara n’ibindi birego byinshi. Iri huriro rya Alliance Fleuve Congo rishinzwe mu gihe muri Congo Kinshasa hari imyiteguro yo gutora Umukuru w’Igihugu azaba tariki 20 Ukuboza 2023.