Umukozi ukora muri kampani yitwa ‘Brown food company’ yo mu gihugu cya Kenya, ari mu mazi abira nyuma y’uko asabye abagore bose gukuramo imyenda ngo arebe umugore uri mu mihango. Ibi byabaye kuwa 3 Nyakanga 2023, ubwo uyu muyobozi (manager) muri iyi kampani yasangaga hari uwataye cotex ahatabigenewe, yabaza uwayitaye akabura.

Ikinyamakuru capitalfm.co.ke cyo muri Kenya dukesha iyi nkuru, cyatangaje ko ubwo haburaga uwataye cotex ahatabugenewe mu bagore bose bakora muri kampani, uyu muyobozi yahise afata umwanzuro wo kwambura abagore bose ubusa ngo arebe uri mu mihango amenye uwayitaye.

Nyuma umwe mubagore bakora aho yaje guhamagara umusenateri witwa Gloria Ogobwa, amubwira ikibazo gihari aba aribwo gifata idi ntera. Kuri uyu wa 6 Nyakanga 2023 nibwo iyi kampani iherereye ahitwa Limuru, yahagaritse uyu muyobozi n’abo bafatanije bose mu kwambura abagore ubusa ngo barebe uri mu mihango.

Iyi kampani kandi yatangaje ko yashatse umunyamategeko uturutse hanze ngo akore iperereza kuri iki kibazo, inemerera abakozi kuganira n’uwo munyamategeko kuri icyo kibazo. uwo muyobozi kandi afungiye kuri sitasiyo ya polisi ya Tigoni, mbere yo gushyikirizwa urukiko.