Kuri uyu wa 13 Nzeri 2024, Urukiko rukuru rwa Kenya ruhehereye mu Murwa Mukuru i Nairobi, rwakatiye igifungo cy’amezi atandatu Umuyobozi Mukuru w’agateganyo wa Polisi ya Kenya, Gilbert Masengeli, nyuma yo kwanga kwitaba Urukiko inshuro zirindwi zikurikiranye. https://imirasiretv.com/inama-knc-yagiriye-murungi-sabin-ukomeje-kuba-igitaramo-ku-mbuga-nkoranyambaga/

Umucamanza Lawrence Mugambi wasomye uyu mwanzuro, yatangaje ko Masengeli yanze kwitaba uru rukiko inshuro zigera kuri zirindwi zikurikiranye, ubwo yari yahamagajwe ngo atange ibisobanuro ku bantu batatu baburiwe irengero ubwo imyigaragambyo yabaga tariki ya 19 Kanama 2024.

Mugambi yategetse ko Masengeli yishyikiriza ubuyobozi bw’urwego rw’igihugu rushinzwe amagereza kugira ngo afungwe, atabyubahiriza Minisitiri w’Umutekano w’Imbere, Abraham Kithure Kindiki, akaba ari we utegeka ko atabwa muri yombi.

Yagize ati “Bwana Masengeli ategetswe kwishyikiriza Komiseri Mukuru w’urwego rushinzwe amagereza kugira ngo afungwe. Mu gihe atabikora, Minisitiri w’Umutekano w’Imbere akwiye gutera intambwe, agatuma afungwa.”

Ubwo Masengeli yangaga kwitaba Urukiko ku nshuro ya gatanu, hari ku wa Gatanu Nzeri 2024. Uwo munsi yagaragaye mu birori byabereye mu mujyi wa Mombasa. Ihuriro ry’abanyamategeko bo muri iki gihugu, LSK, ryagaragaje ko ibi ari agasuzuguro, risaba ko yahanwa by’intangarugero. https://imirasiretv.com/inama-knc-yagiriye-murungi-sabin-ukomeje-kuba-igitaramo-ku-mbuga-nkoranyambaga/