Dukuzimana Ignace Mu kiganiro n’abanyamakuru kuri uyu wa 4 Ukwakira 2023, Umunyamabanga mukuru w’Urwego rw’Igihugu rw’Ubugenzacyaha RIB, Col Jeannot Ruhunga yemeje ko inzego z’ubutabera zarangaye zifata Kazungu Denis zikerewe bityo akaba ari igisebo kuri zo.
Col Ruhunga yavuze ko ‘Hatabayeho uburangare mu nzego zose nta cyaha cyaba ariko turi muri sosiyete. Kazungu yatoranije abantu yica yabigambiriye, umuntu utava mu rugo ngo nadataha hari umuntu ubaza ngo ‘ariko kanaka ko atatashye’ ajye kuri polisi cyangwa RIB ati ‘twabuze umuntu’.”
Yakomeje avuga ko bariya bantu bose Kazungu yishe nta muntu wigeze ajya gutanga ikirego ko yabuze umuntu, ati “ariko ibyo ntabwo bidukuraho blame kuko ntabwo dushinzwe kurinda abantu bataha, aho baba gusa, tugomba kurinda Abanyarwanda bose. Ni nayo mpamvu yafashwe.”
Kazungu akurikiranweho ibyaha 10 birimo n’ubwicanyi kandi byose arabyemera.
Kazungu Denis yemera ko yishe abantu 14
Dukuzimana Ignace 