Nirere Jeanne utuye mu mujyi wa Kigali aratabariza umwana we uri mu buzima butoroshye nyuma yo kubagwa mu mugongo. Uyu mubyeyi utuye mu karere ka Gasabo, mu murenge wa Kinyinya mu kagali ka Musezero avuga ko kuwa 8 Werurwe 2023 ubwo yabyaraga uwo mwana w’umuhungu abaganga bamubwiye ko yavukanye ikibyimba mu mugongo.

Nirere yabwiye BTN Tv dukesha iyi nkuru ko abaganga bakora ku bitaro by’ikigo nderabuzima cya Kagugu bamaze kumubwira ko umwana we afite iyo ndwara, Ubuyobozi bw’ibitaro bwafashe umwanzuro wo kumwohereza ku bindi bitaro biri mu karere ka Gakenke bya Ruli kugira ngo uwo mwana abagwe neza icyo kibyimba.

Bitewe n’uburibwe umwana yari afite, uyu mubyeyi yamujyanyeyo arwarirayo noneho nyuma y’ibyumweru bibiri arabagwa kandi neza ariko bimuviramo ubundi burwayi bwamumugaje amaguru. Uyu mubyeyi utabariza umwana we avuga ko umuganga w’inzobere wamubaze yabwiye Nirere ko yasubiza umwana we mu rugo.