Kuri yu wa mbere 27 Ugushyingo 2023, mu Murenge wa Ruvune, Akarere ka Gicumbi, Umwana w’umukobwa w’imyaka umunani yishe musaza we w’imyaka itanu amukubise isuka mu mutwe.

Amakuru avuga ko ubwo nyina yari avuye guhinga yari afite isuka iri mu bwoko bwa majagu, nyina atashye abana bafashe isuka barayikinisha n’uko umukobwa ayikubita mu mutwe w’umuhungu yitaba Imana. Ibi byabaye ubwo umubyeyi wari uvuye mu murima yari ahugiye mu gikoni n’umugabo atarataha bivugwa ko aribwo ibi byago byagwiriye umuryango.

Aya makuru kandi yahamijwe n’Umukozi ushinzwe Irangamimerere mu Murenge wa Ruvune, Iyamuremye Innocent, yavuze ko ibi byago babimenye ahagana saa moya z’ijorokuri uyu wa 27 Ugushyingo.