Igisirikare cya Repubulika Iharanira Demokarasi ya Congo, FARDC, cyasohoye itangazo rigaragaza ko cyafashe Maj Gen MPEZO MBELE Bruno, akaba Umuyobozi wa gisirikare wa Region militaire ya 34 muri Kivu ya Ruguru.

Muri iri tangazo FARDC ivuga ko uyu musirikare watawe muri yombi akekwaho gukoresha nabi abo ashinzwe n’ibyo ashinzwe gucunga mu nshingano ze. Ndetse ko yarenze ku mabwiriza ya gisirikare abuza buri wese gukorana n’umutwe wa FDRL hatitawe ku peti afite mu ngabo.

FARDC yasoje ivuga ko ari umwe mu bari gukekwa ariko ngo iperereza ryimbitse rirakomeje, ku buryo naramuka ahamwe n’ibyaha akekwaho azabihanirwa n’amategeko.