Sano Shengero Alyn ni umwe mu bahanzi nyarwanda bakoze Album nziza cyane ugendeye ku ndirimbo ziyirimo, aho ari na Album ya mbere yakoze akayita ‘Rumuri’. Ni album akoze nyuma y’imyaka itanu amaze mu muziki awukora nk’umunyamwuga.

Iyi album igizwe n’indirimbo harimo izikubiyemo umuziki wumvikanamo ibicurangisho nyarwanda, Abasaamyi bo ku Nkombo n’ibindi bitandukanye. Gukora uyu muziki muri ubu buryo, ni agashya Alyn Sano yazanye mu gukora itandukaniro hagati ye n’abandi bahanzi kandi umwihariko we ukumvwa na buri wese kuko uhita umenya inkomoko y’ibyo aririmba.

Iyi Album ya Alyn Sano yakozweho n’aba producers 14 ndetse n’indirimbo 1 yakoranye n’undi muhanzi. Buri ndirimbo ifite igisobanuro cyayo. Iyi Album yayitiriye indirimbo ‘Rumuri’ yakozwe na Pastor P, abandi bayigizemo uruhare ni Man Martin, Teta na Budja.

Iyi ndirimbo igaruka ku mukobwa ushaka kubera abandi urumuri binyuze mu bikorwa akora, ndetse akumva ko ibibazo byose afite agomba kubyikemurira akishakamo ibisubizo ati “Icuraburindi ndimo namenye ko rikurwaho n’urumuri runturukamo.”

‘Kuki’ ni indirimbo uyu muhanzikazi yatuye umubyeyi we (se) witabye Imana akiri muto, kuburyo atagize igihe gihagije cyo kubana na we cyangwa kumumenya. Yakozwe inatunganwa na Kenny Vybz, Alyn Sano ayandika afatanije na Kanata, mu gihe abandi bayigizemo uruhare harimo Herbert Rock wacuranze Saxophone.

Izindi ndirimbo ziri kuri iyi album harimo ‘Bohoka, Mwiza, Sakwe sakwe, Inshuti, umwihariko, Mama, Mariya, Lioness, Positive, Why, na Warakoze’. REBA ALBUM YOSE ‘URUMURI YA ALYN SANO