Ntago hashije igihe kinini cyane hatangiye kuvugwa amakuru y’uko Aline Munezero wamamaye nka Bijoux muri cinema nyarwanda yaba yaratandukanye cyangwa se atameranye neza n’umugabo we Sentore Lionel bamaze amezi 5 gusa bakoze ubukwe, ndetse yewe bikaba byarabaye impaka nyinshi cyane havugwa ko bitaba byumvikana.

ku ruhande rw’itangazamakuru inkuru zabo zo ziravugwa cyane, ariko icyiganzamo ni uko urugo rw’aba bombi rutakiriho ndetse nyuma y’uko bikomojweho abantu bakeka ko uru rugo rwabo rutakiriho nibwo amakuru menshi yagiye amenyekana cyane ndetse n’ibimenyetso bifatika bigaragaza ko urugo rwa Aline Bijoux rwasenyutse, yewe ubu bikaba bivugwa ko ngo ashobora kuba agiye gushakana n’undi mugabo.

Ni mu kiganiro umunyamakuru Jallas wanakomoje mbere ku itandukana rya Bijoux na Sentore mbere yaganiriye na Ali wa 10 to 10 ku muyoboro wa Youtube kuri uyu wa 4 Nyakanga 2022, ubwo bakomozaga kuri iyi nkuru. Jalass yagerageje guhamagara Bijoux ngo amuganirize ariko Bijoux aramukupa, bituma anavuga ko bitari ibintu bisanzwe ko Bijoux yakwanga kwitaba mbere y’uko ikibazo cye gitangira kuvugwa.

Mu minsi yashize nibwo hamenyekanye ko ku mbuga nkoranyambaga Bijoux ndetse na sentore basibye amafoto yose y’ubukwe bwabo, gusa uyu Lionel umugabo we babimubajijeho, asobanura mu buryo budafututse neza ku buryo nta n’ubusobanuro busobanutse yatangaga kuko icyo yavuze yagize ati” nidutandukana muzabimenya, yewe na Bijoux natwita muzabimenya nanabyara muzabimenya mugendeye ku gihe twakoreye ubukwe”.

Ku byavuzwe by’uko uyu Bijoux yaba yarakoze ubukwe atwite, ariko we n’umugabo we bakabihakana, Jallas yavuze ko amakuru afite kuri bo bombi ari amakuru yahawe n’abantu b’inshuti zabo nyirizina, avuga ko koko ariko byari bimeze, ariko inda Bijoux yari atwite bitaje kugenda neza, bisobanuye ko byanga byakunda mu buryo bumwe cyangwa ubundi inda yavuyemo.

Yakomeje avuga ko ngo ubwo uyu musore Lionel yavaga mu bubiligi akagaruka mu Rwanda kureba umugore we ndetse n’urugo rwe, yasanze urugo rwe rurimo kumuhamagara, ikirenze ibyo n’imfunguzo ajya kuzireba kwa nyirabukwe, yewe no kwinjira munzu asanga nta kintu kirimo hafi ya byose byaravuyemo byumvikane ko Bijoux nyine nawe ntawe wari uhari.

Jallas yakomeje avuga ko uwamuhaye amakuru kandi yizewe ari nawe nshuti ya Bijoux yamubwiye ko ngo Bijoux icyo gihe yari yagiye kurwaza umusore bateganya kubana nk’umugore n’umugabo, ndetse ngo uwo musore akaba avugwaho kuba muri Suede ariko amakuru yizewe n’uko ari umunya Gisenyi. Avuga ko kandi urugo buriya rutajya rusenywa umuntu udasanzwe cyangwa se uje kwivanga mu buzima busanzwe, ahubwo uwo musore akaba yari inshuti isanzwe yabo ndetse banaziranye cyane, bamwe bit aba “rutwe” mu mibanire y’iyi minsi.

Aya makuru jallas ahagazeho neza nubwo abantu batayakira ariko nanone bikaba bifite ishingiro, kuko nyiri ubwite Bijouz we nta kintu ashaka kubivugaho, nubwo guceceka uri kuvugwaho ibintu nk’ibi nabyo ari ikimenyetso simusiga kigaragaza ko bishobora kuba aribyo, ndetse n’umugabo we Lionel mu kubisobanura akaba arya iminwa nk’ikimenyetso kigaragaza ko ntacyo kubivugaho afite, ariko biramutse bibaye ntago ari ubwa mbere byaba bibabayeho bombi.

Reka tukwibutse ko umwana wa mbere Bijoux yabyaye yamubyaranye n’umusore witwa Mustapha Kiddo unahora mu marira menshi ko Bijoux ashobora kuba yaramubabaje abinyujije ku mbuga nkoranyambaga cyane cyane nka Youtube. Iby’ubukwe no kwambikwa impeta byo, Bijoux yambitswe impeta n’umusore wa mbere ariko hadaciye ingahe ahita amusubiza impeta ye atangaza ko ari umwana ari nabwo yari agiye guhura na Lionel.

Ubwo ibi byabaga, havuzwe amakuru y’uko Bijoux akoze ibi ngibi kubera ko Lionel ari umu diasoprah bityo akaba abikoze kugira ngo abone uko abona visa yo kumujyana kumugabane w’uburayi, ariko nabwo ubukwe bwabo buba mu bintu by’ibitangaza kuko nk’uko ibindi byose byagiye bimenyekana nta makuru, amafoo, video cyangwa se akanunu kumvikanye ko Bijoux na Sentore baba basezeranye mu murenge cyangwa se mu yandi mategeko, ahubwo humvikanye ubukwe gusa.

Ku ruhande rwa Sentore, nawe mbere y’uko yambika impeta akanasezerana na Bijoux, hamenyekanye ko hari umukobwa witabiriye miss Rwanda mu mwaka wa 2020 bari barambikanye impeta ariko bakaza gutandukana ari nabwo yahise abana na bijoux. Kuva Bijoux na Sentore bakora ubukwe hashize amezi atanu gusa, ariko gutandukana kwabo kukaba kuri kuvugwa, ndetse ko afite undi mugabo agiye kubana nawe.

Ubukwe bwabuze abageni| yizeye intwererano ngo abone inkwano birangira azibuze.