Nyuma y’uko umunyamakuru Anitha Pendo atangaje ko asezeye mu Kigo cy’Igihugu cy’Itangazamakuru, RBA, yari amaze imyaka 10 akorera, na mugenzi we wakoraga mu biganiro by’imyidagaduro, Gerard Mbabazi, yamaze gutangaza ko yasezeye kuri iki kigo, aho agiye kwikorera. https://imirasiretv.com/umunyamakuru-anitha-pendo-yasezeye-kuri-rba-amaze-imyaka-10-akorera/

Uyu munyamakuru uri mu bafite abakunzi benshi kubera ubuhanga yibitseho, yatangaje ko agiye gutangira kwikorera ndetse ko nta gahunda afite yo gutekereza kujya ku kindi gitangazamakuru. Yagize ati “Iyi ni imyaka yo kwikorera, ngiye gushyira imbaraga kuri shene yanjye ya Youtube n’ibindi nsanzwe nkora ndetse hari n’ibindi ngiye kwinjiramo kandi mu minsi ya vuba abantu barabimenya.”

Mbabazi wageze kuri RBA mu 2014, ahamya ko imyaka 10 ahamaze yamufashije cyane kuko yahigiye byinshi ndetse anahakura n’izina rikomeye kuri ubu ryamufasha kubaho, dore ko afite na shene ya ‘YouTube’ yafatanyaga n’akazi ke gasanzwe. Yatangiye umwuga w’itangazamakuru mu 2008, aho yatangiriye kuri Radio Huye. Gusa kubera ubuhanga yari yibitseho yahamaze amezi make ahita yerekeza kuri Radio Salus ya Kaminuza y’u Rwanda itarajyagamo ubonetse wese.

Mu 2011, yavuye kuri iyi radio ahita yerekeza mu itangazamakuru ryandika kugeza mu mpera za 2013 ubwo yerekezaga kuri KT Radio aho yavuye mu 2014 yerekeza muri RBA yakoragamo kugeza na n’ubu. https://imirasiretv.com/umunyamakuru-anitha-pendo-yasezeye-kuri-rba-amaze-imyaka-10-akorera/