Umukobwa witwa Kubwimana Hélène wo mu karere ka Rusizi mu murenge wa Mururu mu kagali ka Gahinga mu mudugudu wa Kirabyo A, ku wa 12 Ugushyingo 2023 yasanzwe mu mugozi w’inzitiramibu yapfuye babanza gukeka ko yiyahuye ariko abamubonye bavuga ko basanze apfukamye.

Muri icyo gitondo nyina wa nyakwigendera yagiye kwishyura amafaranga ye uwari uyamufitiye, ariko mbere y’uko agenda abanza gukimbirana n’umukobwa we amuziza ko asigaye afitanye agakungu n’abasore. Bumaze gucya neza Nyina yatanze amakuru avuga ko umukobwa we yiyahuye.

Gusa abaje gukora iperereza basanze uwo mukobwa yapfuye apfukamye ku buriri mu gihe umuntu wapfuye yiyahuye mu mugozi aba amanitse. Biravugwa ko icyateye uru rupfu kitaramenyekana kuko bikiri mu iperereza nk’uko byemezwa na Gitifu w’umurenge wa Mururu, Ngirabatware James.

Nyina wa nyakwigendera yatawe muri yombi akekwaho urupfu rwe, umurambo wa Kubwimana woherezwa ku bitaro bya Gihundwe gukorerwa isuzuma mbere y’uko ushyingurwa.