Gloire AKIMANA Hano ku isi umuhanzi ni umwe mu bantu bavuga rikijyana ndetse bumvwa na benshi mu bihangano byabo.Ni bamwe mu bantu batumirwa bakaririmba igihe kitarenze n’isaha arko bagahabwa agatubutse, Bimwe mu bihugu bimaze gutera imbere mu muziki nka Nigeria, Tanzania, Ghana, South Africa abahanzi binjiza agatubutse mu bitaramo bategura.
Ibihugu bimwe na bimwe byateye imbere usanga bifite abahanzi benshi kandi ari nabo binjiza menshi niyo mpamvu nagaciro kabo usanga gatandukanye, bakagira ubayoboye mukw’injiza menshi ndetse kuba uva muri icyo gihugu cyateye imbere bifasha abakiri kuzamuka bikabongerera agaciro kabo n’izina ku rwego mpuzamahanga.
Mu Bihugu bifite izina ridakomeye mu muziki naho usanga hari abinjiza menshi ugereranyije nicyo Gihugu, nko mu Rwanda Bruce Melodie uherutse gutumirwa mu iserukiramuco rya Giants of Africa yahwe arenga miliyoni 30. Hari na The Ben uri gutegura igitaramo mu gihugu cy’U Burundi yahawe arenga miliyoni 40 abona kwemera kuzajya kubataramira.
Nubwo Bruce melodie uri mu bahenze mu Rwanda yahawe arenga miliyoni 30 hari nka Davido wahawe arenga miliyoni 600 ndetse na Tiwa Savage wahawe arenga miliyoni 100. Nkuko abahanzi barutanwa mu gukundwa ni nako barutanwa mu gukora ibitaramo no gusohora indirimbo nyinshi.
Abahanzi 10 bambere bahenze muri Afurika:
- Diamond Platnumz $100,000
Umuhanzi Naseeb Abdul Juma Isaack
uzwi nka Diamond Platnumz wo muri Tanzaniya muri Afurika y’iburasirazuba aza ari uwa 10 uhabwa asaga miliyoni 100 Rwf ngo atarame. Diamond Platnumz, tiwa savage na Asake bahabwa amafaranga angana
- Asake $100,000
Ahmed Ololade uzwi nka Asake wo muri Nigeria nanone azwi nka Mr money ahabwa miliyoni zirenga 100 Rwf nyuma yo guca uduhigo twari twarananiranwe hijya no hino ku isi
- Tiwa Savage $100,000
Umuhanzikazi Tiwatope Omolara Savage uzwi nka Tiwa Savage ni we
Muhanzikazi wambere uhenze muri afurika aho kumutumira bisaba arena miliyoni 100Rwf ndetse akaba aherutse mu Rwanda muri gutarama aho yahise ajya mu bwongereza gufatanya na Asake gutaramira muri O2 Arena.
- Amr Diab $170,000
Amr Diab niwe muhanzi wa mbere udatuye muri Nigeria ufata agatubutse iyo yatumiwe mu gitaramo kubera ko yishyurwa arenga miliyoni 170 Rwf. Amr Diab akomoka mu gihugu cya Egypt akaba afite imyaka 61
- Kizz Daniel$200,00
Umuhanzi Kizz Daniel wo muri Nigeria aza ari uwa 6 nyuma yo gukora indirimbo nyinshi zigakundwa harimo buga, peru, zatumye akundwa ndetse akanamamara hijya no hino ku isi.
Kumutumira bikaba bisaba arenga miliyono 200Rwf
- Rema $200,000
Ikubor Divine wamamaye ku mazina ya Rema ni umwe mu bahanzi bakiri bato yamamaye cyane mu ndirimo yitwa Calm Down ndetse aza ayisubiramo ari kumwa na Selena Gomez iherutse no guca agahigo ku rubuga rwa sportify kumutumira bisaba arenga miliyoni 200 Rwf.
4.Olamide $500,000
Olamide Gbenga Adedeji uzwi ku mazina ya Olamide yatangiye umuziki mu mwaka wa 2010 akaba aririmba injyana ya Rap kumutumira mu gitaramo bisaba arenga miliyoni 500 Rwf.
3.Davido $600,000
Davido uherutse no mu Rwanda mu gitaramo cyo gusoza iserukiramico rya Giants of Africa cyabereye muri BK Arena ahabwa arenga miliyono 600 Rwf. Davido kandi ategerejwe gutaramira mu Rwanda mu itanwa ry’ibihembo bya trace
2.Wizkid $1,000,000
Wizkid w’imyaka 33 bakunda kwita Star Boy avuka Lagos muri Nigeria yatangiye umuziki mu mwaka wa 2001 asaba arenga miliyari y’amafaranga y’u Rwanda
1.Burna Boy $1,000,000
Damini Ebunoluwa Ogulu w’imyaka 32 azwi ku mazina ya Burna Boy. Niwe muhanzi wambere uhenze muri Afurika kugira ngo umutumire bisaba arenga miliyari y’amafaranga y’u Rwanda. Hari amakuru yavugaga ko azitabira itangwa ry’ibihembo bya Trace ariko nyuma haza gusohoka urutonde atariho.
Gloire AKIMANA 