Uwimbabazi Sharifa wahoze ari umugore wa Jaypolly tabenze umusore wari waramwambitse impeta witwa Aime Nshogoza, ahita ajya mu rukundo n’undi musore witwa Mutangana Destiny. Nyuma yo kubana na Jaypolly nk’umugore n’umugabo, muri 2020 nibwo Uwimbabazi yeruye ko yatandukanye na we ahita ajya mu rukundo n’uyu Nshogoza waje kumwambika impeta.

Nyuma yo kwambikana impeta amakuru avuga ko urukundo rw’aba bombi rwagiye ruyenga buhoro buhoro kugeza ubwo bivugwa ko Uwimbabazi afite umukunzi mushya witwa Mutangana, aho ubwe abyiyemerera agira ati “Turakundana kandi rwose ndabizi neza ko ari we ugiye kumpindurira ubuzima.”

Yanakomeje avuga ko yatandukanye byeruye na Nshogoza wari waramwambitse impeta, ibyabo avuga ko byarangiye akaba anyuzwe n’uwo bari kumwe ubu. Byamenyekanye ko Uwimbabazi abana na Jaypolly nk’umugore n’umugabo muri 2015 wari uwa kabiri asimbuye Nirere afsa Fifi bari baranabyaranye imfura.