Uyu mugore witwa Happy Mwenda, yahamijwe icyaha n’Urukiko rwo muri Kenya ko yishe umuhungu we w’umwaka umwe kugira ngo ajye muri Leta zunze Ubumwe z’Abarabu gukora akazi ko mu rugo. Uyu mugore yahamwe n’icyaha cyo guteza urupfu rw’umuhungu we ufite umwaka umwe n’amezi atatu, ngo kuko uwo mwana yari yaramubujije urugendo rwe rwerekeza muri UAE.

Hari abatangabuhamya bagera ku munani batanze ubuhamya bashinja Mwenda kandi bagaragariza urukiko ko ahamwa n’icyaha. Umwe muri abo batangabuhamya ni umukobwa we w’imyaka 17 y’amavuko witwa Susan abwiye urukiko ko ari mukuru wa Nyakwigendera, avuga ko babanaga murugo babana na nyina na murumuna we Alvin.

Susan yavuze ko nyina yatwaye umwana bigeze saa munani z’ijoro arabyuka asohokana na we, agaruka saa kumi batari kumwe, amubwira ko yajyanye umwana kwa Se. icyakora yasobanuye ko atazi Se wa murumuna we cyangwa aho yari atuye.