Dukuzimana Ignace Vinicius Jose Paixao de oliveira Junior, uzwi cyane ku izina rya Vinicius Junior cyangwa se Vini jr ni umunya Brazil w’umunyamwuga mu mupira w’amaguru akaba akinira ikipe yo muri Espagne ya real Madrid ku mwanya wo ku ruhande rw’ibumoso ndetse akanakinira ikipe y’igihugu ya Brazil.
Vini Jr yavutse tariki 12 nyakanga 2000, I Sao goncalo muri leta ya Rio de janeiro mu gihugu cya Brazil. Afite uburebure bwa metero imwe na centimeter 76, yanbara numero ya 20 aho akinira mu ikipe ya Real madrid naho mu ikipe y’igihugu cye akambara numero 18. Apima ibiro 73.
Nyuma yo kugaragaza impano afite mu gukina umupira w’amaguru agatanga ibirori ku ikipe ya Flamengo yakiniraga, yashyizwe mu ihurizo rikomeye n’ushinzwe kumushakira amakipe amusaba guhitamo ikipe agomba gukinira hagati ya FC Barcelona ndetse na Real madrid kandi abimusaba mu kanya gato cyane mu butumwa bwa Whatsapp.
Neymari niwe mukinyi afata nk’icyitegererezo, ndetse akenshi bakunda no kumugereranya nawe. Gusa Vini we yatangaje ko akunda cyane Ronaldo Nazairo akaba akunda uburyo bw’imikinire ye ndetse agakunda no kwifashisha amashusho y’imikino yakinye ngo nawe abigendereho.
Ku myaka 16 ubwo yari agiye gukinira ikipe ya Flamengo aho wari umukino ukomeye cyane wari ugiye kuyihuza na Atletico Mineiro, Vini Jr yaguriye abantu 100 amatike barimo n’inshuti ze ngo binjire muri uwo mukino. Wari umunsi udasanzwe kuri we kuko izina rye ryaririmbwe n’abantu barenga ibihumbi 3 kuri stade Maracana nyuma y’uko akoze ibitangaza agashimisha abari ku kibuga.
Nyuma y’imyitozo ya mbere yakoreye muri Real madrid, yagumye mu kibuga yitekerezaho asanga ari ngombwa ko ahindura ikipe akiniramo. Yagize ati” natekereje ko bitazanshobokera gukomeza gukinirahano nkwiye kuhava”. Casemiro na Marcelo bamutanze muri iyi kipe bakomeje kumufasha biza kurangira bikunze. Guhitamo gukinira Real madrid byanyuze kuri whatsapp byihuse mu gihe FC Barcelona yamushakaga.
Muri UEFA champions League y’uyu mwaka Vini Jr yakinye imikino 13 atsinda ibitego 4, muri La liga yakinnye imikino 35 atindamo ibitego 17, muri supercopa de espagna yakinye imikino 2 atsindamo igitego 1, Audi cup mu mwaka wa 2019 yakinnyemo imikino ibiri ntiyatsinda igitego, naho muri 2019 international champions cup yakinye imikino 3 nabwo ntiyatsinda igitego.
Reka nkwibutseko muri UEFA champions League ku mukino wa nyuma wahuzaga Real madrid ndetse na Liverpool, ku munota wa 59 Vini jr yaje gutsinda igitego cya mbere ari nacyo gutego cyagaragaye muri uyu mukino wose kigahesha Real madrid kwegukana itsinzi ku nshuro ya 14.
Dukuzimana Ignace 