Kuwa 15 Gashyantare nibwo twabagejejeho inkuru y’uburyo abantu bakurikira BTN TV banenze umunyamakuru Ndahoro Valens papi kubera inkuru y’igihuha yari yakoze, aho bakoze video y’umugabo uzwi ku izina rya Nshizirungu avuga ko umugore we yamufatanye n’indaya basohokanye ariko ari ibihuha, dore ko abamuzi bavuze ko ari ibihuha kuko basanzwe bamuzi bakamenya n’umugore we.  Abakurikira BTN TV banenze cyane Ndahiro Valens papi bamushinja inkuru yakoze bise igihuha.

Mu kiganiro uyu mugabo Nshizirungu yakoranye na Jallas, yatangaje ko inkuru bakoze ari ibihuha Atari ukuri ahubwo ari bimwe bakora byitwa ‘Prank’bakaba barabikoze mu rwego rw’akazi ariko nyuma akabona ko Atari byiza ndetse nta kintu byigisha abanyarwanda, agahitamo kwirega mu nzego zishinzwe umutekano, yagize ati “ naje kubona ko nakosheje kandi ndasaba imbabazi, kandi ubwanjye ninjye wigiriye mu nzego zishinzwe umutekano zirimo na RIB gusaba imbabazi.”

Uyu mugabo yakomeje avuga ko hari ibitangazamakuru byakoranye nawe harimo BTN TV ari nayo yatangaje aya makuru, bityo akaba asaba imbabazi umunyamakuru Ndahiro Valens papi kuko Atari azi ko ari igihuha, ndetse n’umunyamakuru M.Irene kimwe na Sabin bakoranye ibiganiro bemeza ko ari ukuri, ariko ababazi bagakomeza kuvuga ko Atari ukuri dore ko bakomezaga gutangaza ko ari ibihuha bakoze.

Uyu mugabo yagize ati “buriya umwana iyo yakosheje asaba imbabazi, kandi duhora turi abana imbere y’ababyeyi, ari nayo mpamvu nsabye imbabazi kubyo twakoze, ndasaba imbabazi ibitangazamakuru byose bya hano mu Rwanda kandi ndasaba imbabazi muri rusange.” Abakurikiye iki kiganiro uyu mugabo yakoze mu bitekerezo batanze bagaragaje akababaro ko kunenga cyane kuko bababajwe n’uburyo barebye ibintu bazi ko ari ukuri ariko bagasanga ari igihuha, harimo n’uwavuze ko baba bari gukinira mu mafaranga yabo batakaza bareba ibintu bazi ko ari ukuri kandi ari ibinyoma.  Bill Gates yahishuye icyorezo karundura kigiye kwibasira isi.