Ubushakashatsi bwatangajwe n’urubuga rwo muri Kanada rwitwa AshleyMadison.com,rwandika by’umwihariko ku bibazo bijyanye no gucana inyuma ku bashakanye, bugaragaza ko 15% by’abagore batazi neza niba abana babyaye bose ari ab’umugabo bashakanye.    Impamvu abagabo bakunda gukora imibonano mpuzabitsina mu gitondo abagore bakabikunda ku mugoroba.

Ubu bushakashatsi bwakorewe ku bagore bagera ku 105.000 bafite hagati y’imyaka 25 na 55 biyemerera ko baca inyuma abo bashakanye. Aba bagore batangaza ko nta gihamya bafite ko abana babo bose bababyaranye n’abagabo babo. Uretse aba bagore batazi neza igihe basamiye n’abo babyaranye kandi bafite abagabo bazwi, abandi 10% mu babajijwe batangarije abashakashatsi ko bahamya neza ko bamwe mu bana babo bababyaranye n’inshoreke zabo.

Gusa nkuko bivugwa nabo bagore, ngo babigize ibanga ku buryo abagabo babo barera abana b’abandi bazi ko ari ababo. Akenshi aba bana batari ab’abagabo babarera ngo usanga ari ba bucura. Ubu bushakashatsi bw’iki kinyamakuru kabuhariwe mu kuvuga icyaha cy’ubusambanyi ku bashakanye, ngo bwakozwe hitegurwa umunsi w’ababyeyi b’abagabo uzizihizwa tariki ya 21 Kamena, kikaba ngo kizeye ko kizasomwa n’abasomyi bakubye inshuro 4 abagisura buri munsi. Mu Kinyarwanda n’ubundi baravuga ngo burya abaturanyi babyara abana basa!