Amabwiriza yashyizweho mu nama y’abaminisitiri yateranye kuwa 1 Kanama 2023, arebana n’ibikorwa by’imyidagaduro, aratangira kubahirizwa kuri uyu wa Gatanu tariki ya 1 Nzeri 2023. Ibi byasohotse mu itangazo ry’Urwego rw’Igihugu rw’Iterambere (RDB) rwibutsa abantu ko ayo mabwiriza ku hantu hakorerwa ibikorwa by’ubucuruzi bijyanye n’imyidagaduro atangira kubahirizwa uyu munsi.

Ni amabwiriza yerekeye imyidagaduro iba nijoro no kurwanya urusaku, akaba areba ahantu hose hakorerwa ibikorwa by’ubucuruzi n’imyidagaduro, ibyumba bikorerwamo inama, hoteli, utubari, utubyiniro n’ahandi. Ayo mabwiriza agaragaza ko kuva kuwa mbere kugera kuwa gatanu gufunga ari saa saba z’ijoro naho kuwa gatandatu no ku cyumweru gufunga ni saa munani za mugitondo. SOMA INKURU BIFITANYE ISANO HANO