Fabos Fali Umusore w’imyaka 22 yasanzwe yapfuye nyuma y’uko hari umukobwa bakundanaga wamubwiye ko batakibanye kandi yari yarabimusezeranyije.
Byabereye mu mudugudu wa Gashirwe, Akagari ka Gacurabwenge mu murenge wa Byumba ho mu karere ka Gicumbi.
Amakuru y’uko yiyahuye akoresheje imiti yica imbeba yamenyekanye ku wa 04 Ugushyingo 2024. Abamubonye bahise bamujyana kwa muganga igitaraganya aravurwa bamugarura mu rugo, bucyeye bwaho ahita ashiramo umwuka.
Umusore wiyahuye yari asanzwe akora akazi ko mu rugo kimwe n’uwo mukobwa bakundanaga.
Hari andi makuru avuga ko yari yarahaye uwo mukobwa ibihumbi 300 Frw bateganya kuzabana, gusa umukobwa akaza kumuhakanira amubwira ko bahagarika iby’urukundo.
Umunyamabanga Nshingwabikorwa w’Umurenge wa Byumba Ngezahuremyi Théoneste yavuze ko mu gihe hari ibibazo, abaturage badakwiriye kwiyambura ubuzima ahubwo babimenyekanisha bigashakirwa umuti.
Fabos Fali 