Ignace DUKUZIMANA 
Mu muhango wabereye muri hotel ya Kigali View Hotel I Nyamirambo, nyampinga w’u Rwanda wa 2017 Iradukunda Elsa aherekejwe n’umugabo we Ishimwe Kagame Dieudonne aka Prince Kid yabatijwe na Rev.pasiteri Alain Numa wo muri Shiloh Prayer Mountain Church. Ibi bibaye nyuma y’uko Miss Iradukunda na Prince kid bari gutegura ubukwe, anakorewe ibirori byo gusezera mu bukumi.
Iradukunda Elsa yabatirijwe mu mazi menshi na Rev. pasiteri Alain Numa wahoze ari umusirikare akaza kwiyegurira Imana aho yagizwe Rev. pasiteri kuwa 21 Ukuboza 2029, akaba n’umukozi w’ikigo cya mbere cy’itumanaho mu Rwanda no muri Afurika, MTN, ndetse yewe akaba n’umukozi muri iki kigo ushinzwe ibikorwa by’ubugiraneza ndetse no guhanahana amakuru n’ibindi bigo.
Bishop Olive Murekatete Esther niwe muyobozi w’uru rusengero rwa Shiloh Mountain Church Miss Iradukunda Elsa yabatirijwemo, binateganijwe ko ari ho bazakorera ubukwe mu buryo bwo gusezerana imbere y’Imana kuwa 1 Nzeri 2023.
