Amakuru mashya kuri CG Gasana wari Guverineri w’Uburasirazuba uherutse gutabwa muri yombi

443

Nyuma y’umunsi umwe CG (Rtd) Gasana Emmanuel ahagaritswe kuyobora intara y’Iburasirazuba kuwa 25 Ukwakira 2023 RIB yatangaje ko yamufunze akaba ari gukorwaho iperereza. Icyo gihe RIB yatangaje ko uyu mugabo akurikiranweho icyaha cyo gusaba no kwakira indonke no gukoresha ububasha ahabwa n’amategeko mu nyungu ze bwite.

 

Amakuru aturuka mu Bushinjacyaha avuga ko bwamaze kwakira dosiye ye mu mpera z’ukwezi gushize. Umuvugizi w’Ubushinjacyaha, Nkusi Faustin yabwiye KT ko bayakiriye ndetse igomba kuregerwa Urukiko.

 

Muri Werurwe 2021 nibwo CG (Rtd) Gasana yagizwe guverineri w’Iburasirazuba. Byari nyma y’amezi icumi ahagaritswe ku mwanya wa Guverineri w’Intara y’Amajyepfo aho byavugwaga ko icyo gihe nabwo hari ibyo yari akurikiranweho.