Inyama za Noheli zarikoze! Hamenyekanye impamvu umugore yatemye umugabo we

138

Umugore witwa Milly Acen wo mu Karere ka Amolatar mu Majyaruguru ya Uganda, yatawe muri yombi kubera akurikiranweho gutema umugabo we mu mutwe , amuziza ko atamuhahiye inyama zo kurya kuri Noheli, ibi byabaye mu ijoro ribanziriza Noheli.

 

Umugabo we yitwa Denis Obua afite imyaka 44 y’amavuko, Polisi ikaba ivuga ko ikomeje iperereza kuri uyu mugore watemye umugabo we. Amakuru avuga ko uyu mugore yatemye umugabo we akoresheje umupanga, bibera mu mudugudu wa Abutataro ubwo uyu mugabo yari atashye imbokoboko nta nyama azanye.

 

Uyu mugore yatemye umugabo we nyuma y’uko amenye ko umugabo we yaguriye undi mugore inyama, bivugwa ko ari mukeba we hanyuma agataha mu rugo rwe nta n’inusu amuzaniye, undi nawe kugira ngo amwereke ko bimubabaje yafashe umuhoro amutema mu mutwe mu gice cy’inyuma. Kugeza ubu uyu mugore arafunzwe ndetse iperereza rirakomeje ku byateye uru rugomo.