Ignace DUKUZIMANA Diogo Jose Teixeira da Silva, uzwi cyane nka Diogo Jota, yitabye Imana afite imyaka 28, azize impanuka y’imodoka yabereye mu gace ka Zamora muri Esipanye, ku wa 3 Nyakanga 2025. Yari kumwe na murumuna we Andre Silva, nawe witabye Imana aho nyine.
Urupfu rwe rubaye mu gihe abatuye isi yose batararangiza kwakira ibyishimo by’ubukwe bwe n’umukunzi we w’igihe kirekire Rute Cardoso, bwabaye tariki ya 22 Kmana 2025, hari hashize ibyumweu bibiri gusa.
Amakuru atangwa n’inzego z’umutekano muri Esipanye avuga ko imodoka ya Lamborghini Urus Performante, yari itwawe na Jota, yarenze umuhanda kubera umuduko mwinshi , igwa mu cyuho kiri ku muhanda A-52, igwa mu giti, ihita ishya. Abari bayirimo bombi bapfuye baguye aho nyine.
Diogo Jota yatangiye umupira nk’umukinnyi wabigize umwuga muri 2014, muri Pacos de Ferriera. Ynyuze muri Atletico Madrid( ntamukino n’umwe yakinnyemo mpuzamahanga), nyuma yoherezwa mu FC Porto ku ntizanyo, ahita yigaragaza nk’intwaro ikomeye.
Nyuma yagaragaye cyane muri Wolverhampton Wanderers hagati ya 2017-2020, aho yatsinze ibitego 44 mu mikino 131. Muri Nzeri 2020, Liverpool yamuguze kuri miliyon 45€ , akomeza kubahwa nk’umukinnyi w’inkingi ya mwamba mu busatirizi bwayo.
Muri Club:
- Liverpool (2020-2025)
- Imikino: 218
- Ibitego: 74
- Assits: 26
- Premiere League 2024-2025: 20 imikino, 6 ibitego, 3 assists
- Wolves(2017-2020):
- Imikino:131
- Ibitego:44
- FC Porto (2016-2017 loan):
- Imikino:38
- Ibitego:9
- Pacos de Ferreira (2014-2016):
- Imikino:41
- Ibitego:14
- Muri Portgugal National Team:
- Caps:49
- Ibitego 14
- UEFA Nationas League:2 (2019,2023)
