Ukraine yatwitse ububiko bw’intwaro z’u Burusiya mu Mujyi wa Donetsk

Amashusho yakwirakwijwe ku mbuga nkoranyambaga agaragaza uguturika gukomeye mu gace kegereye ububiko bw’intwaro z’u Burusiya.

BBC yanditse ko yasuzumye amashusho neza irebye uburemere bw’uguturika kwabayeho n’ahantu byabereye yemeza ko ari intwaro z’u Burusiya zaturitse ariko hatamenyekanye icyabiteye n’ingano y’ibyangiritse.

Mu gihe byaba byemejwe ko ari igitero cy’ingabo za Ukraine byaba ari uruhererekane rw’ibitero byibasira ibice byigaruriwe n’u Burusiya hagamijwe kubuca intege mu rugamba bumaze imyaka buhanganyemo na Ukraine.