Perezida Kagame ari kwa Abdel Fattah Al-Sisi

Perezida Paul Kagame ari i Cairo mu gihugu cya Misiri, aho kuri uyu wa Kabiri tariki ya 23 Nzeri yatangiye uruzinduko rw’akazi.

Umukuru w’Igihugu kuri uyu wa Kabiri yakiriwe mu ngoro ya Al-Ittihadiya na mugenzi we wa Misiri, Abdel Fattah Al-Sisi.

Abakuru b’ibihugu byombi bagiranye ibiganiro byo mu muhezo, mbere y’uko bahurira mu nama n’abagize delegasiyo z’u Rwanda na Misiri.

Perezida Paul Kagame yasuye Misiri nyuma yo gusoza uruzinduko rw’akazi yari amaze iminsi itatu agirira i Baku muri Azerbaijan.