Inyeshyamba za CMC-FDP zakozanyijeho n’abarwanyi ba AFC/M23 muri Bwito

238

Amakuru aturuka mu burasirazuba bwa Repubulika ya Demokarasi ya Congo, aravuga ko imirwano ikaze yadutse ku wa Mbere, itariki 3 Ugushyingo 2025, hagati y’inyeshyamba za Wazalendo zo mu mutwe wa CMC-FDP n’abarwanyi ba AFC/M23.

 

Biravugwa ko iyo mirwano yabereye mu midugudu myinshi ya Gurupoma ya Bukombo, Sheferi ya Bwito muri Teritwari ya Rutshuru, ho mu Ntara ya Kivu y’Amajyaruguru.

 

Imirwano yatangiriye i Kinyankuku ikwira Sisa, Rubeha, na Senki, bituma abaturage benshi bahungira mu turere tuhegereye nk’uko tubikesha Kivu Morning Post.

 

Iyi mirwano yatangijwe n’ibico byatezwe n’abarwanyi ba AFC/M23 batega inyeshyamba za CMC-FDP zikorana bya hafi na FARDC. Nta mibare y’abapfuye irashyirwa ahagaragara.