Fabrice Nahimana Umutuzo usa nk’uwagarutse muri iki gitondo cyo ku wa Gatatu, itariki ya 14 Mutarama 2026, i Kalembe, muri Gurupoma ya Bashali Mokoto (Teritwari ya Masisi) iherereye mu Ntara ya Kivu y’Amajyaruguru, nyuma y’imirwano yaraye ibaye mu ijoro ryo kuwa Kabiri rishyira kuri uyu wa Gatatu hagati y’inyeshyamba za AFC / M23 na Wazalendo.
Nk’uko amakuru agera kuri ACTUALITE.CD abitangaza, inyeshyamba za Wazalendo, zikorana bya hafi n’Ingabo za Leta (FARDC) zagabiye ibitero icyarimwe ku birindiro bitandukanye by’inyeshyamba ahagana mu ma saa mbiri z’ijoro ku isaha yaho, zigamije kubirukana muri uyu mujyi, bamaze umwaka urenga bagenzura.
Aya makuru avuga ko urusaku rw’intwaro ziremereye n’izoroheje zumvikanaga mu mujyi. Abaturage, kubera ubwoba, bagumye mu nzu. Umubare w’abantu baguye muri iyi mirwano nturamenyekana.
Muri iki gitondo cyo kuri uyu wa Gatatu, ibintu ntibirasubira mu buryo neza muri uyu mujyi, wakiriye imiryango myinshi y’abavanwe mu byabo bahunze baturutse mu turere dutandukanye.
Iyi nkuru yibutsa ko agace gakikije Kalembe, muri Sheferi ya Bashali, habereye imirwano mu byumweru bishize hagati y’inyeshyamba za AFC / M23 na Wazalendo, bigatuma habaho guhunga ku bwinshi no gusahura imitungo y’abaturage. Ibyabaye vuba aha byabaye ku itariki ya 24 Ukuboza 2025, Noheri.
