UMUHOZA M. Chantal Abahanzi Nyarwanda Kivumbi King na Nel Ngabo barataramira u Rwanda muri Czech Republic kuri uyu wa 15 Kanama 2026, aho bitabiriye iserukiramuco rya AfrOstrava 2026.
Aba bahanzi bari mu bahanzi b’Abanyarwanda bitabiriye iri serukiramuco riri kubera mu mujyi wa Ostrava, rikaba rihuza abahanzi n’abakora ibikorwa bitandukanye by’umuco nyafurika.
AfrOstrava 2026 yatangiye ku wa 14 Kanama, ikazasozwa kuri uyu wa Gatandatu. Iri serukiramuco ririmo ibikorwa birimo umuziki, imbyino, imideli n’ubundi buhanzi.
Kivumbi King na Nel Ngabo bari butaramire muri gahunda y’uyu munsi, aho bazaba bahagarariye umuziki nyarwanda imbere y’abitabiriye iri serukiramuco.
Muri ibi bikorwa harimo na Rwanda Experience, gahunda igamije kumenyekanisha umuco n’ubuhanzi nyarwanda muri Czech Republic.
Iri serukiramuco ritanga amahirwe ku bahanzi Nyarwanda yo kumenyekanisha umuziki w’u Rwanda no kugera ku bakunzi bawo hanze y’igihugu.
