UMUHOZA M. Chantal Irushanwa rya Best of Rwanda 2026 rigeze mu cyiciro gikomeye cyo gusuzuma ikawa y’u Rwanda.
Abacamanza b’Abanyarwanda batangiye gusuzuma ikawa ku wa 13 Kanama. Iki cyiciro kirangira ku wa 18 Kanama 2026.
Nyuma yaho, hazakurikiraho isuzuma ry’abacamanza mpuzamahanga rizaba kuva ku wa 23 kugeza ku wa 25 Kanama.
Abatsinze bazatangazwa ku wa 27 Kanama 2026.
Iri rushanwa rigamije kugaragaza ikawa y’u Rwanda ifite ubuziranenge, no kuyimenyekanisha ku isoko mpuzamahanga.
Ikigo cy’Igihugu gishinzwe Iterambere ry’Ubuhinzi n’Ubworozi bwohereza mu mahanga, NAEB, kivuga ko Best of Rwanda ari amahirwe yo guteza imbere ikawa y’u Rwanda no kongera agaciro kayo ku isoko mpuzamahanga.
Abahinzi, abatunganya ikawa n’abandi bakora muri uru rwego bakomeje gukurikirana ibyavuye muri iri suzuma.
