UMUHOZA M. Chantal Ikigo Meta, nyiri Facebook na Instagram, kiri mu rubanza rukomeye muri Leta Zunze Ubumwe za Amerika rurebana n’ingaruka imbuga nkoranyambaga zigira ku bana n’urubyiruko.
Kuri ubu, uwahoze ari umuyobozi mu ishami ry’ubwubatsi bwa Facebook, Arturo Béjar, yongeye gutanga ubuhamya mu rukiko rwo muri California.
Béjar yavuze ko Meta yari ifite amakuru yerekana ko Instagram ishobora guteza ibibazo ku bana n’ingimbi, ariko ko atigeze abona impinduka zihagije zakozwe.
Yavuze ko ubushakashatsi bw’imbere muri Meta bwagaragazaga ibibazo bikomeye by’abakoresha bakiri bato.
Uyu mugabo yakoze muri Meta hagati ya 2009 na 2015, nyuma agaruka nk’umujyanama hagati ya 2019 na 2021.
Abashinjacyaha bahagarariye leta 29 zo muri Amerika bashinja Meta gukora Facebook na Instagram mu buryo bushobora gutuma abana babatwa no gukomeza kubikoresha.
Banavuga ko iki kigo cyari gifite amakuru ku ngaruka z’izo serivisi, ariko ntigifate ingamba zihagije.
Meta irahakana ibyo birego. Ikigo kivuga ko cyafashe ingamba nyinshi zo kurinda abakoresha bakiri bato.
Urubanza rukomeje gukurikiranwa cyane kuko rushobora kugira ingaruka ku buryo imbuga nkoranyambaga zubakwa kandi zigakoreshwa mu gihe kiri imbere.
