Fabrice Nahimana U Rwanda ntirugaragara mu bihugu Israel yagaragaje nk’ibyasohotse cyangwa intumwa zabyo zikaba zitari mu cyumba, ubwo Minisitiri w’Intebe wa kiriya gihugu, Benjamin Netanyahu yagezaga ijambo ku Nteko Rusange y’Umuryango w’Abibumbye.
Amashusho yashyizwe hanze yagaragaje intumwa nyinshi zisohoka mu cyumba ubwo Netanyahu yari ageze kuri podiyumu, mu gihe abandi basigaye bakurikiraga ijambo rye.
Netanyahu na we yatangiye ijambo avuga ko abumva ko badashaka kumwumva bashobora gusohoka, mbere yo gukomeza ubutumwa bwe.
Andi mashusho kandi agaragaza imwe mu ntumwa za Israel ibarura abantu batari mu cyumba mu gihe cy’ijambo rya Netanyahu.
Mu mibare yatangajwe na Israel nyuma y’ijambo, ibihugu 77 ni byo byavuzwe ko intumwa zabyo zitari mu cyumba cyangwa zasohotse Netanyahu atangiye kuvuga.
Muri byo harimo ibihugu bya Afurika nka Afurika y’Epfo, Repubulika Iharanira Demokarasi ya Congo, Uganda, Kenya, Angola, Senegal, Sudani, Algeria, Niger, Tchad, Mozambique n’ibindi.
U Rwanda icyakora ntirugaragara kuri urwo rutonde.
Ku ruhande rw’u Rwanda, Minisitiri w’Intebe Dr Justin Nsengiyumva yari yagejeje ku Nteko Rusange ya Loni ubutumwa bw’u Rwanda ku bibazo mpuzamahanga, cyane cyane ku mutekano n’amahoro mu karere k’Ibiyaga Bigari.
Mu ijambo rye, yagaragaje ko ikibazo cy’umutekano mu Burasirazuba bwa RDC ari ikizamini ku bushobozi bw’umuryango mpuzamahanga bwo guhangana n’ibibazo bihinduka vuba.
Ibihugu byinshi byasohotse ubwo Netanyahu yavugaga, mu gihe Israel ikomeje kunengwa n’ibihugu bitandukanye kubera ibikorwa byayo muri Gaza.
Intumwa z’ibihugu byinshi zasohotse, abandi barasigara, mu gihe itsinda rya Israel ryakomeje kumushyigikira no gukoma amashyi.
Netanyahu yavuze ko Israel ikomeje kwirwanaho, anashimangira ko ibikorwa byayo byibasiye Iran na Hamas ari ingenzi ku mutekano w’igihugu cye.
Yamaganye kandi ibirego bishinja Israel gukora jenoside muri Gaza, avuga ko ibyo birego ari ibinyoma.
Urutonde rw’Ibihugu byose 77 Israel ivuga ko bitakurikiye ijambo rya Netanyahu
1. Misiri
2. Syria
3. Palestine
4. Jordan
5. Lebanon
6. Iraq
7. Saudi Arabia
8. Qatar
9. Kuwait
10. Oman
11. Yemen
12. Sudani
13. Tunisia
14. Algeria
15. Libya
16. Mauritania
17. Somalia
18. Comoros
19. Türkiye
20. Iran
21. Pakistan
22. Afghanistan
23. Bangladesh
24. Indonesia
25. Malaysia
26. Brunei
27. Maldives
28. Myanmar
29. Koreya ya Ruguru
30. Turkmenistan
31. Uzbekistan
32. Kyrgyzstan
33. Afurika y’Epfo
34. Senegal
35. Djibouti
36. Angola
37. Repubulika ya Congo
38. Repubulika Iharanira Demokarasi ya Congo
39. Liberia
40. Eritrea
41. Chad
42. Repubulika ya Centrafrique
43. Madagascar
44. Niger
45. Botswana
46. Uganda
47. Lesotho
48. Eswatini
49. Equatorial Guinea
50. Mozambique
51. Namibia
52. Kenya
53. Suriname
54. Panama
55. Venezuela
56. Antigua & Barbuda
57. Belize
58. Barbados
59. Colombia
60. Dominica
61. Nicaragua
62. Peru
63. Saint Lucia
64. Bahamas
65. Bolivia
66. Cuba
67. Guyana
68. Brazil
69. Chile
70. North Macedonia
71. San Marino
72. Slovenia
73. Bosnia and Herzegovina
74. Espagne
75. Ireland
76. Tuvalu
77. Tonga.
