UMUHOZA M. Chantal Ibyamamare bikomeje gukurura amaso ku masaha bambarana, aho Drake na Dwayne Johnson bari mu bagezweho cyane muri iyi minsi.
Drake yagaragaje isaha ya Rolex Daytona yakozwe imwe gusa, mu gihe Dwayne Johnson, uzwi nka The Rock, yagaragaye yambaye isaha ya Jacob & Co. ifite agaciro ka miliyoni 3.3 z’amadolari.
Urutonde rushya rwa WatchPro rugaragaza ko n’abandi byamamare barimo Ryan Reynolds, Chris Evans na Robert Downey Jr. na bo bari mu bafite cyangwa bagaragaje amasaha adasanzwe muri uku kwezi.
Amasaha y’ibyamamare amaze kuba igice cy’imyambarire yabo, aho bamwe bayakoresha nk’ibikoresho by’imideli, mu gihe abandi bayagaragaza nk’ibintu by’agaciro bafite.
Uko ibyamamare bikomeza kugaragaza aya masaha ku mbuga nkoranyambaga no mu birori, abakunzi b’imideli n’abakora ubucuruzi bw’amasaha bakomeje gukurikira cyane ibyo aba bantu bambara.
