UMUHOZA M. Chantal Icyorezo cya Ebola muri Repubulika Iharanira Demokarasi ya Congo (RDC) kimaze kuba icyahitanye abantu benshi mu mateka y’igihugu.
Imibare ya Leta yo ku wa 16 Kanama 2026 igaragaza ko abantu 2,325 bamaze guhitanwa na Ebola, mu gihe abanduye bemejwe ari 4,945.
Uyu mubare w’abapfuye urenze 2,299 bahitanywe n’icyorezo cya Ebola cyabaye muri RDC hagati ya 2018 na 2020.
Icyorezo cy’ubu cyatangajwe ku mugaragaro ku wa 15 Gicurasi 2026. Gitera n’ubwoko bwa Ebola buzwi nka Bundibugyo, kuri ubu bukaba butaragirirwa urukingo cyangwa umuti wemewe wo kuvura.
Mu masaha 24 yonyine, hagaragaye abanduye bashya 101, bituma umubare w’abanduye bemejwe ugera kuri 4,945.
Abahanga bavuga ko umubare munini w’abahitanwa n’iki cyorezo ushobora guterwa no gutinda kumenya abarwaye no kubageza kwa muganga hakiri kare.
Iki cyorezo kandi gikomeje guhura n’imbogamizi zirimo ubushobozi buke bw’ubuvuzi, umutekano muke n’ingorane mu gukurikirana abantu baba barahuye n’abanduye.
RDC ikomeje gushaka guhangana n’ikwirakwira ry’iki cyorezo, mu gihe inzego z’ubuzima n’abafatanyabikorwa mpuzamahanga bakomeje ibikorwa byo kugikumira.
