UMUHOZA M. Chantal Perezida wa Afurika y’Epfo, Cyril Ramaphosa, kuri uyu wa Mbere tariki ya 17 Kanama 2026, ayoboye inama ya 46 y’Abakuru b’Ibihugu na Guverinoma bigize Umuryango wa SADC, iri kubera i Durban.
Iyi nama iribanda ku guteza imbere inganda, ibikorwa remezo, ubuhinzi ndetse n’umusaruro w’amabuye y’agaciro mu karere.
Insanganyamatsiko yayo ni “Resilient, sustainable and inclusive industrialisation through Infrastructure Development, Agricultural and Critical Minerals Transformation in Pursuit of a Just World.”
Abayobozi kandi baraganira ku buryo bwo kwihutisha ishyirwa mu bikorwa rya gahunda za SADC zigamije guteza imbere ubukungu, ubufatanye n’iterambere ry’akarere.
Iyi nama iratangira mu gihe Afurika y’Epfo igiye gutangira kuyobora SADC mu gihe cy’amezi 12 ari imbere.
