UMUHOZA M. Chantal U Rwanda rwagiranye amasezerano na kompanyi Almonty Industries agamije guteza imbere ubucukuzi no gutunganya wolfram.
Muri aya masezerano, u Rwanda ruzagira imigabane ya 25% muri Almonty Rwanda Ltd.
Mu rwego rw’amasezerano, u Rwanda ruzatanga uburenganzira ku kirombe cya Shyorongi ndetse n’impushya zo gutunganya amabuye y’agaciro.
Wolfram ni ubutare bukoreshwa mu gukora ibikoresho bikomeye kandi bihanganira ubushyuhe bwinshi.
Almonty Rwanda izajya igura amabuye ya wolfram n’ibindi bisigazwa by’ubucukuzi ku bacukuzi bafite impushya mu Rwanda.
Mbere y’uko uruganda rutunganya wolfram rwuzura, iyi kompanyi izajya yohereza hanze ibikoresho by’amabuye y’agaciro izaba yakusanyije.
Ubuyobozi buvuga ko uru ruganda ruzafasha guteza imbere urwego rw’amabuye y’agaciro no kongera ibikorwa byo gutunganyiriza minerals mu Rwanda.
Aya masezerano yashyizweho umukono ku bufatanye bw’u Rwanda na Almonty Industries.
