UMUHOZA M. Chantal Umupadiri w’Umunyarwanda, Fr. Alex Mutahigwa Kalemba, yapfiriye muri Kenya afite imyaka 71. Polisi yatangiye iperereza ku cyateye urupfu rwe.
Fr. Alex yabonetse yapfuye ku wa 12 Kanama 2026, muri Major Seminary y’Apostles of Jesus i Lang’ata, Nairobi. Ni ho yari acumbitse.
Polisi ya Kenya yatangiye gukusanya ibimenyetso no gukora iperereza ku rupfu rwe. Abashinzwe iperereza bavuze ko nta bikomere bigaragara byabonetse ku mubiri we.
Umurambo wa Fr. Alex wajyanywe ahabikwa imirambo kugira ngo ukorerwe isuzuma. Ibyavuye muri iri suzuma bizafasha kumenya icyateye urupfu rwe.
Fr. Alex yavukiye mu Rwanda ku wa 10 Ukwakira 1954. Yahawe ubupadiri ku wa 8 Kanama 1993, akaba yari umwe mu bagize umuryango w’Apostles of Jesus.
Umuryango wa Apostles of Jesus watangaje ko ubabajwe n’urupfu rwe, usaba abayoboke gusengera Fr. Alex, umuryango we n’abo bakoranaga.
