Madamu Jeannette Kagame yaganiriye na Soeur Immaculée

242

Madame Jeannette Kagame, yagiranye ibiganiro n’umubikira, Soeur Immaculée ari kumwe n’itsinda riturutse mu muryango wa Gikiristu ‘Famille Esperance’. Ibiganiro byabo byibanze ku cyakorwa mu gukomeza kubaka umuryango mwiza kandi utekanye.

 

Soeur Immaculée Uwamariye ni umubikira umaze kumenyakana cyane mu Rwanda kubera inyigisho atanga ku rukundo, kubana, urubyiruko n’imibereho rusange harimo no kubaka ingo zihamye.

 

Soeur Immaculée ni umwe mu bashinze umuryango Famille Esperance, uhuza abemera bo mu nzego zitandukanye z’ubuzima bashaka kwishyira hamwe,bashinze imizi mu buzima bwa gikirisitu n’iyogezabutumwa muri Kiliziya Gaturika no hanze yayo, cyane cyane hagamije guteza imbere ingo n’umuryango muri rusange.