Gloire AKIMANA 
Nyuma y’uko Minisitiri w’Intebe wa Israel, Benjamin Netanyahu avuze ko intambara Israel iri kurwana na Hamas igifite igihe kinini, igisirikare cya Israel cyashyize itangazo ahagaragara gisobanura ko abasikare bacyo bagiye kuba batashye mu rwego rwo kwitegura icyiciro gishya cy’imirwano.
Iri tangazo ryasohowe kuri uyu wa Mbere tariki 01 Mutarama 2023, muri iri tangazo igisirikare cyasobanuye ko iki cyemezo cyafashwe mu rwego rwo gufasha iki gihugu gukusanya imbaraga n’ubushobozi buzakoreshwa mu gihe kiri imbere, kuko nta gihindutse iyi ntambara igomba gukomeza muri uyu mwaka.
Igisirikare gitangaje ibi nyuma y’uko Minisitiri w’Intebe wa Israel, Benjamin Netanyahu, atangaje ko intambara iri kubera muri Gaza yo guhiga umutwe wa Hamas idateze kurangira, kugeza igihe bazabona ko uyu mutwe bawurimbuye burundu ugacika. Israel yatangiye guhiga uyu mutwe wa Hamas, nyuma y’uko tariki 07 Ukwakira 2023 wagabye ibitero muri Israel bigahitana abantu benshi.
