Fabrice Nahimana Perezida Putin avuga ko Uburusiya bwongereye umusaruro wa misile Oreshnik kabombo muri Missiles Hypersonic zifite ubushobozi bwo kugera i Paris mu minota 15.
Mu gihe intambara ikomeje hagati y’Uburusiya na Ukraine.Uburusiya bukomeje gukora mu bubiko ku ntwaro zabo kabombo, ibihugu by’Uburengerazuba bicungira hafi.
Muri iki cyumweru dusoje, Perezida w’Uburusiya, Vladimir Putin, yatangaje ko Uburusiya bwongereye ingufu mu gukora misile yo mu bwoko bwa Oreshnik zirasa kure ndetse zifite umuvuduko uri hejuru. Iki gisasu kikaba cyarakoreshekwe bwa mbere mu ntambara ya Ukraine mu Ugushyingo 2024.
Putin yabwiye abanyeshuri barangije ishuri rikuru mu gisirikare mu magambo ye kuri televiziyo ati: “Umusaruro ukomoka kuri misile ya Oreshnik zigezweho urakomeje.”
Imiterere ya Oreshnik
Oreshnik ,iyi misile ishobora gutwara imitwe itandatu y’ibisasu kirimbuzi, ndetse ubwirinzi kabuhariwe bukaba bigoye kuyibona kuri radari zigenzura ibisasu bivuduka.
Iki gisasu gifite ubushobozi bwo kwiruka 12,300 km/h (3.40 km/s).Oreshnik n’igisasu kibarizwa mu muryango wa misile intermediate-range ballistic missile(IRBM) zishobora kurasa mu ntera ya Km 3,000 na km 5,500.
Twakwibutsa ko mu ntambara ya Iran na Isiraheri iherutse, misile zigaragaje cyane ku mpande zombi, aho zangije byinshi kandi zararasaga mu ntera ya Km 1700 gusa.
Mu mpera z’umwaka ushize, Putin yavuze ko Uburusiya bushobora no kohereza Oreshniks ku butaka bwa mugenzi we wa Biyelorusiya muri uyu mwaka wa 2025. Biyelorusiya ihana imbibi n’abanyamuryango ba NATO Polonye, Lativiya na Lituwaniya.
