Fabrice Nahimana Kuri uyu wa Mbere, itariki ya 13 Ukwakira 2025, mu midugudu myinshi yo muri Gurupoma ya Bukombo, muri Teritwari ya Rutshuru muri Kivu y’Amajyaruguru, habereye imirwano ikaze hagati y’abarwanyi b’ihuriro rya AFC-M23 n’inyeshyamba za Wazalendo zifatanya na FARDC.
Aya makuru avuga ko iyi mirwano yatangiye kuva mu cyumweru gishize, yibanze mu midugudu ya Mashango, Kanyatsi, na Kibwe, bituma abaturage bahunga buhoro buhoro berekeza Bukombo centre no mu yindi midugudu bituranye.
Nk’uko amakuru agera kuri ACTUALITE.CD akomeza avuga, iyi mirwano ikaze yatumye hapfa abasivili benshi, bituma abantu babarirwa mu magana bahunga ingo zabo. Amazu menshi yaratwitswe kandi mu duce nka Buuma na Munguli.
Byongeye kandi, abasivili bagera kuri makumyabiri bishwe ku wa Gatandatu, itariki ya 12 Ukwakira, i Ruza (Gurupoma ya Tongo) na Mushababwe (Gurupoma ya Bukombo), nk’uko amakuru abitangaza, ariko umubare w’abapfiriye aho nturemezwa n’inzego zibishinzwe.
Usibye Bukombo na Tongo, imijyi ya Lukweti (Masisi) na Kibati (Walikale) nayo yabereyemo imirwano hagati ya M23 n’imitwe yitwaje intwaro ya wazalendo nk’iyobowe na Jean Marie Bonané na NDC ya Guidon Mwisa mu mpera z’icyumweru gishize.
