Fabrice Nahimana Perezida wa Kenya, William Ruto, kuri uyu wa Kabiri, itariki 14 Ukwakira 2025 yashyizemo impuzankano ya gisirikare ubwo yari agiye kuyobora umunsi wahariwe igisirikare cy’iki gihugu (KDF Day) mu birindiro bya gisirikare byitiriwe Moi muri Eldoret.
Ingabo z’igihugu cya Kenya (KDF) kuri uyu wa Kabiri zizihije umunsi wazo ku nshuro ya 14 ku kigo cya Moi Barracks, muri Eldoret, mu gihe Abanyakenya bashima ubutwari, igitambo, no gukunda igihugu cy’abagabo n’abagore bambaye imuzankano ya gisirikare.
Kuri uyu wa Kabiri, mu itangazo yanyujije kuri X, KDF yasangije ubutumwa bwo’ibyishimo ku basirikare ba KDF ivuga ko ari umutima w’uburinzi bwa Kenya ndetse n’ingufu ziri inyuma y’iterambere ry’igihugu.
KDF yaranditse iti: “Twishimiye abasirikare bacu, umutima utera w’ubwirinzi bwacu ndetse n’ingufu ziri inyuma y’iterambere ry’igihugu. Umunsi mwiza wa KDF!”
Ibi birori byabanjirijwe n’ibindi byitabiriwe n’Umugaba w’Ingabo za Kenya, Lt. Gen. David Ketter, aherekejwe n’umuyobozi mukuru uyobora ingabo mu burengerazuba, Maj. Gen. Jeff Nyagah, ku itariki ya 6 Ukwakira 2025, bayoboye ingabo z’igihugu cya Kenya (KDF) mu muganda rusange.
