UMUHOZA M. Chantal Abahanga bavuga ko Afurika idafite ikibazo cyo kubura abantu bafite ubumenyi gusa, ahubwo ko hakenewe no guhindura uburyo impano zabo zikoreshwa ndetse n’amahirwe bahabwa.
Ibi byagarutsweho mu nama yabereye i Kigali, aho abitabiriye baganiriye ku bibazo bikomeje gutuma urubyiruko rufite ubushobozi rutabona amahirwe ahagije yo gukoresha ubumenyi n’impano zarwo.
Vivens Uwizeyimana, washinze Umurava, yavuze ku ruhare rw’urubyiruko mu guhangana n’ikibazo cy’akazi n’ubumenyi budahuye n’ibikenewe ku isoko ry’umurimo.
Abitabiriye ibiganiro bagaragaje ko hakenewe ubufatanye hagati y’abatanga amahugurwa, abikorera n’abashaka abakozi kugira ngo ubumenyi butangwa bujyane n’ibikenewe mu kazi.
Ibi bishobora gufasha urubyiruko kubona amahirwe menshi yo gukoresha ubumenyi rufite no kugira uruhare mu iterambere ry’ubukungu bwa Afurika.
Source: The New Times
