UMUHOZA M. Chantal Umuyobozi w’African School of Governance (ASG), Francis Gatare, avuga ko Afurika ikeneye guhindura imyumvire no kwigirira icyizere kugira ngo ishobore kugera ku iterambere ryihuse.
Gatare avuga ko Afurika ifite umutungo kamere n’abaturage bafite ubushobozi, ariko ko kutagira icyizere, kutagira intego zihamye no kudashyira mu bikorwa gahunda neza bikomeje kubangamira iterambere ryayo.
Yatangaje ibi mu gihe i Kigali hategerejwe inama ya Africa Mindset Reset Forum, izaba ku wa 25 n’uwa 26 Kanama 2026. Iyi nama izibanda ku miyoborere, imikorere y’inzego no guhindura imyumvire ikibangamiye iterambere ry’umugabane.
Gatare avuga ko hakenewe urubyiruko rufite ubushake bwo gutekereza ku buryo bushya no gusaba abayobozi gushyira mu bikorwa gahunda zifite intego zifatika.
Iyi nama kandi izahuza cyane cyane urubyiruko n’abayobozi b’inararibonye, hagamijwe guteza imbere ibiganiro byatanga ibisubizo bifatika ku bibazo by’Afurika.
Source: The New Times
