UMUHOZA M. Chantal Abasirikare babiri b’Umuryango w’Abibumbye (Loni) bakomoka muri Ethiopia bishwe, abandi barindwi barakomereka mu gitero cyagabwe ku modoka z’abakozi ba Loni muri Sudani y’Epfo.
Ibi byabaye muri Leta ya Jonglei, ubwo itsinda ry’abasirikare ba Loni ryari mu rugendo rwerekeza i Pajut. Abari mu gitero barashe ku modoka z’iryo tsinda, mbere y’uko bahunga.
Abishwe ni abasirikare b’Ethiopia bari mu butumwa bw’amahoro bwa Loni. Mu bakomeretse harimo abandi basirikare ba Loni, abapolisi ba Sudani y’Epfo ndetse n’abakozi b’abasivili.
Kugeza ubu, abakoze iki gitero ntibaramenyekana. Loni yavuze ko igitero nk’iki ku bakozi bayo gishobora kuba icyaha cy’intambara, isaba ko ababigizemo uruhare bamenyekana bagashyikirizwa ubutabera.
Iri sangano ryabaye mu gihe umutekano ukomeje kuba ikibazo muri bimwe mu bice bya Sudani y’Epfo, igihugu kimaze imyaka gihanganye n’imvururu n’ubushyamirane bw’amatsinda atandukanye.
Source: Reuters
