UMUHOZA M. Chantal Ikigega Mpuzamahanga cy’Imari, IMF, kizohereza itsinda muri Uganda muri Nzeri 2026 kugira ngo rikomeze ibiganiro ku masezerano mashya y’inkunga y’imari.
Umuhagarariye IMF muri Uganda, Sébastien Walker, yavuze ko ibiganiro hagati y’impande zombi bikomeje kandi ko urugendo rutaha ruzafasha kubyihutisha.
Gahunda ya nyuma Uganda yagiranye na IMF yarangiye mu 2024. Kugeza ubu, impande zombi ntiziragera ku masezerano mashya, nubwo IMF ivuga ko ibiganiro byagenze neza.
Uganda iri mu gihe ubukungu bwayo bukomeje kwiyongera, ahanini bitewe n’amateganyirize yo gutangira gucukura no gutunganya peteroli.
Gusa IMF ivuga ko Uganda igifite imbogamizi zirimo umwenda uremereye ndetse n’izamuka ry’ikiguzi cyo kwishyura imyenda.
Urugendo rwa IMF muri Nzeri ruzibanda ku gukomeza ibiganiro no kureba niba impande zombi zagera ku masezerano mashya azafasha Uganda mu bijyanye n’imari n’ubukungu.
