UMUHOZA M. Chantal Ikipe ya Sydney Swans yo muri Australia yahagaritse abakinnyi bayo batanu kugeza shampiyona ya AFL ya 2026 irangiye, nyuma y’ikibazo cyabereye muri hoteli i Melbourne kiri gukorwaho iperereza na polisi.
Abo bakinnyi ni Isaac Heeney, Chad Warner, Nick Blakey, James Jordon na Riley Bice. Ikipe yavuze ko batazongera gukina muri uyu mwaka, harimo n’imikino ya nyuma ya shampiyona.
Icyemezo cy’ikipe nticyafashwe nk’igihano cy’icyaha. Sydney Swans yavuze ko abo bakinnyi bahaniwe kurenga ku mategeko n’imyitwarire ikipe ibasaba.
Ikipe yavuze ko barenze ku mabwiriza arimo gukomeza kunywa no gusohoka nijoro, ndetse no kujyana abagore kuri hoteli nyuma y’umukino.
Icyakora, Victoria Police iracyakora iperereza ku birego by’ihohoterwa rishingiye ku gitsina byabereye muri iyo hoteli. Kugeza ubu, nta n’umwe muri abo bakinnyi wafashwe cyangwa ngo ashyirwe mu majwi nk’uwashinjwe icyo cyaha.
Abakinnyi batanu basabye imbabazi, bavuga ko bamenye ko imyitwarire yabo yagize ingaruka ku miryango yabo, abafana ndetse n’abandi bo mu muryango wa Sydney Swans.
Umuyobozi w’iyi kipe, Matthew Pavlich, yavuze ko ikipe ibabajwe cyane n’ibyabaye, ariko ashimangira ko igihano cyatanzwe kijyanye n’imyitwarire yabo, mu gihe iperereza rya polisi rikomeje ukwaryo.
