Musanze: Umugabo yishe umugore we amuteye icyuma, na we arapfa nyuma yo kunywa umuti wica udukoko

9

Umugabo wo mu Karere ka Musanze yishe umugore we amuteye icyuma, nyuma na we anywa umuti wica udukoko arapfa.

 

Ibi byabaye ku wa 25 Kanama 2026, mu Murenge wa Kinigi, Akagari ka Kaguhu, mu Karere ka Musanze.

 

Amakuru yatangajwe na IGIHE avuga ko uyu mugore yari amaze igihe yaragiye iwabo kubera amakimbirane yo mu muryango. Bageze aho bahurira, umugabo yamuteze icyuma, amutera mu nda no ku maboko, aramwica.

 

Umusore wari ugiye gutabara uyu mugore na we yakomerekejwe bikomeye.

 

Nyuma y’iki gikorwa, umugabo yahise anywa umuti wica udukoko. Yagerageje gutabarwa no kujyanwa kwa muganga, ariko agezeyo arapfa.

 

Umuyobozi w’Akarere ka Musanze, Nsengimana Claudien, yabwiye IGIHE ko aya makuba yatewe n’amakimbirane yo mu rugo. Yavuze kandi ko uyu mugabo yari yarigeze kuvuga ko azica umugore we, ashimangira ko gutanga amakuru ku gihe bishobora gufasha gukumira ibyaha nk’ibi.

 

Imirambo y’aba bombi yajyanywe mu Bitaro bya Ruhengeri kugira ngo ikorerwe isuzuma, mu gihe uwakomeretse na we yajyanywe kwitabwaho n’abaganga.

 

Inkomoko: IGIHE